MAULBERGIUS Johannes

MAULBERGIUS Johannes

Basileensis, fil. cerdonis in minori Basilea, Dominicanus, contionator insignis, floruit, circa A. C. 1400. Magnô in vectus in grassantia vitia, haereses quascumque, et Beginarum in primis sectam, a Sigismundo Imperatore in Reformationis formula ad Concilium Constantiense concepta, ut qui recte docuisset, laudatus est. Fatidicô spiritu, Basileensis Ecclesiae reformationem, sed illam non sine sudore multo futuram, praedixit, semel pro suggestu exclamans: Exsultate, quotquot puri estis corde, quoniam gloria Dei appropinquat. Reformatione omnino opus est, quam, si Magnates Praesulesque morabuntur, lapides promovebunt. Tandem, cum tempore schismatis, ob Gregorii Papae oboedientiam, cleri Basileensis odium sibi conflâsset; quod item contra Sacerdotum fornicationem, usurariosque acrius detonuisset, contionandi munere privatus, in Maulbrunensi coenobio Spirensis dioecesis. A. C. 1414. exul obiit.

Eminus in tenebris video mirabile lumen,

O mihi si liceat iam propiore frui!